चितवन । चितवनको माडी–१, बनकट्टामा बाघको आक्रमणबाट दुईजना गोठालाहरू घाइते भएका छन् ।
बिहिबार रिऊ खोलाको पुल नजिकै घाँसे मैदानमा भैँसी चराउन गएका माडी–१, सेरुवा गाउँ निवासी ५६ बर्षिय सुर्य महत्तो र ५० बर्षिय तेजबहादुर पौडेललाई बाघले आक्रमण गरेको हो ।बाघले एउटा भैसी समेत मारेको छ ।
घाइतेहरुको अवस्था मध्यम रहेको चितवन प्रहरीले जनाएको छ । मध्यम घाइते भएका उनीहरुको उपचार भरतपुर अस्पतालमा भइरहेको प्रहरीले जनाएको छ ।
