काठमाडौँ। नेपालमा पछिल्लो २४ घण्टामा देशभर १,६९४ जनामा कोरोना संक्रमण पुष्टि भएको छ ।

१२ हजार ४०६ पीसीआर परीक्षणमा १,६९४ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ । यो संगै हालसम्म नेपालमा कोरोना संक्रमितको संख्या ६ लाख २८ हजार ९४२ पुगेको छ । त्यसैगरी पछिल्लो २४ घण्टामा ३,९९४ जना कोरोना संक्रमणमुक्त भएका छन् । योसँगै निको हुनेको संख्या ५ लाख ३१ हजार १०५ पुगेको छ ।

त्यसै गरी पछिल्लो २४ घण्टामा कोरोना संक्रमणबाट थप ४६ जनाको मृत्यु भएको छ । यो सँगै नेपालमा कोरोनाबाट मृत्यु हुनेको संख्या ८, ४१२ पुगेको स्वास्थ्य तथा जनसंख्या मन्त्रालयले जनाएको छ ।