चितवन। वाइसिएल चितवन र नेपाल अखिल क्रान्तिकारी चितवनले मंगलबार राप्ती नगरपालिकामा रक्तदान कार्यक्रम गरेका छन् ।
राप्ती नगरपालिका – ७ बिरेन्द्र आदर्श माविको प्राङ्गणमा भएको रक्तदान कार्यक्रममा ११ जना महिला सहित ८१ जनाले रक्तदान गरेको वाइसिएल नेपाल राप्तीका सह इन्चार्ज प्रजित रुवालीले जानकारी दिए ।
वाइसिएल नेपाल, चितवनका अध्यक्ष मधु न्यौपानेको सभापतित्वमा भएको कार्यक्रममा प्रमुख अतिथिका रुपमा नेकपा माओवादी केन्द्र चितवनका अध्यक्ष यम बहादुरपरियार इन्द्रजित रहेका थिए । कार्यक्रममा माओवादी केन्द्र चितवनका सदस्य तथा राप्ती नगरका इन्चार्ज मान बहादुर स्याङ्बो, माओवादी केन्द्र राप्तीका अध्यक्ष रामचन्द्र पाठक ,सचिब नवराज पाठक (श्याम) नेकपा एमालेका नेता घनश्याम कंडेल ,वाइसिएल राप्तीका इन्चार्ज सन्देश घलान लगाएतको उपस्थिति रहेको थियो ।
