चितवन। चितवनमा आज आइतवार ७११ जना कोरोना संक्रमणमुक्त भएका छन्। स्वास्थ्य कार्यालय चितवनको तथ्यांकअनुसार ५० जना नयाँ संक्रमित थपिँदा ७११ जना संक्रमणमुक्त भएका हुन्।
योसँगै चितवनमा १४ हजार ३४१ जना कोरोना संक्रमित हुँदा १२ हजार ०८० जना संक्रमणमुक्त भएका छन्। ७११ जना संक्रमणमुक्त भएपछि चितवनमा अब २०६४ जना सक्रिय संक्रमितको विभिन्न अस्पताल तथा आइसोलेसन केन्द्रहरुमा उपचार भइरहेको स्वास्थ्य कार्यालय चितवनले जनाएको छ।
