हेटौंडा । हेटौंडामा प्रहरीले ४५० मिलिग्राम खैरो हेरार्एन सहित चारजना पक्राउ परेका छन । पक्राउ पर्नेमा हेटौडा उपमहानगरपालिका वडा नम्बर ११ बस्ने ठाकुर गजुरेल, सोही स्थानको हिमाल बर्तौला, वडा नम्बर १ चौकीटोलका बिशाल पौडेल रवडा नम्बर ४ हुप्राचौर बस्ने बर्ष ३० को सोजन जोशी रहेका छन ।
जिल्ला प्रहरी कार्यालय, मकवानपुरका अनुसार बुधबार सांँझ पांँच बजे जिल्ला कार्यालय मकवानपुरबाट खटिएको प्रहरी टोलीले हेटौंडा उपमहानगरपालिका वडा नम्बर १ स्थित राप्ती होटलमा रहेका शंका लागि चेकजांँच गर्दा उनीहरुको साथबाट लागु औषध खैरो हेरोईन बरामद गरेको हो ।
उनीहरुलाई लागु औषध सहित नियन्त्रणमा लिई थप अनुसन्धान भईरहेको कार्यालयका प्रवक्ता प्रहरी नायब उपरीक्षक जयश्वर रिमालले जानकारी दिए ।
