चितवन। पछिल्लो २४ घण्टामा चितवनमा जम्मा ५९ जना नयाँ कोरोना संक्रमित थपिएका छन् ।
थपिएका संक्रमित मध्ये भरतपुर महानगरका सर्बाधिक ४० जना रहेका छन् । त्यस्तै, माडीमा ५ जना, खैरहनीमा १ जना, रत्ननगरमा ११ जना, राप्तीमा १ जना र कालिकामा १ जना रहेका छन् । योसँग चितवनमा संक्रिय संक्रमितको संख्या चार हजार ८१८ जना पुगेको स्वास्थ्य कार्यालय चितवनले जनाएको छ ।
साथै ,स्वास्थ्य तथा जनसंख्या मन्त्रालयका अनुसार नेपाल भरि १० हजार ९८६ जनामा पीसीआर परीक्षण गर्दा ३७०२ र १७८४ एन्टिजेन परीक्षणमा ६६७ जना गरी ४,३६९ जनामा संक्रमण पुष्टि भएको हो ।पछिल्लो २४ घण्टामा कोरोना भाइरस संक्रमणमुक्त हुनेको संख्या ६ हजार २०५ रहेको छ । कोरोना संक्रमणका कारण १०९ जनाको मृत्यु भएको छ ।
