चितवन। कमेडी रियालिटी शो ‘कमेडी च्याम्पियन’को पहिलो संस्करणबाट चर्चामा आएका कमेडियन आदर्श मिश्राका पिता विनोद मिश्राको निधन भएको छ ।चार वर्षदेखि मृगौलाको बिरामी रहेका विनोदको आज बिहान चितवनको भरतपुर अस्पतालमा निधन भएको हो । आदर्शले विनोदलाई हिजो रातिमात्र उपचारका लागि नारायणी अस्पतालबाट भरतपुर अस्पताल ल्याएका थिए ।
आदर्शले नारायणी अस्पतालमा ४ घन्टा डायलसिस गराउनुपर्नेमा ३ घन्टा मात्र गराइएको भन्दै राम्रो उपचारको आशमा भरतपुर अस्पताल ल्याएका थिए ।बाराको जितपुरबाट आदर्शले पितालाई हप्ताको दुई पटक मिर्गौलाको डायलसिस गराउन नारायणी अस्पताल लैजाने गरेको बताइएको छ ।