चितवन । नेपाल प्रेस युनियन चितवनलाई साईराम डेन्टल केयर प्रालिले स्वास्थ्य सामाग्री सहयोग गरेको छ । उक्त स्वास्थ्य सामाग्री वरिष्ठ दन्त चिकित्सक डा. अजय न्यौपाने र साइराम डेण्टलकी प्रवन्ध निर्देशक डा. सरु थापा न्यौपानेले नेपाल प्रेस युनियनका वरिष्ठ उपाध्यक्ष दिपक आर्चाय र प्रेस युनियन चितवन जिल्ला अध्यक्ष अनिल ढकाललाई हस्तान्तरण गरेका हुन् ।साइराम डेण्टलले ५ हजार मास्क, १ सय थान सेनिटाइजर सहयोग गरेको हो ।
हस्तान्तरण पछि बोल्दै डेन्टल केयरकी प्रबन्ध निर्देशक डाक्टर सरु थापाले कोरोनाको कहरमा अग्रपंतीमा खटिने पत्रकारको स्वास्थ्य सुरक्षाको लागि स्वास्थ्य सामाग्री सहयोग गरिएको बताइन् ।
जोखिममा रहेका पत्रकारको लागि रिर्पोटिङमा जान सहज होस भनि स्वास्थ्य सामाग्री सहयोग गरिएको उनको भनाई छ । साइराम डेण्टलले ५ हजार मास्क, १ सय थान सेनिटाइजर सहयोग गरेको हो ।
सो अवसरका वरिष्ठ उपाध्यक्ष आर्चायले पत्रकारहरुका लागि गरिएको सहयोग निकै प्रशंसनीय रहेको बताए । प्रेस युनियन जिल्ला अध्यक्ष ढकालले स्वास्थ्य सामाग्रीका कारण कोरोना महामारीमा पनि निरन्तर अग्रपंतीमा खटिने पत्रकारका लागि वितरण गरिने बताए । युनियनले गत बर्ष पनि प्रत्रकारका लागि स्वास्थ्य सामाग्री वितरण गरेको थियो ।
साइराम डेण्टलले भरतपुर अस्पताललाई समेत १० थान अक्सिजन सिलिण्डर, १ सय पिपिइ लगाएत स्वास्थ्य सामाग्री सहयोग गरिसकेको छ । त्यस्तै डेण्टलले जिल्ला प्रहरी कार्यालय चितवनलाई पनि स्वास्थ्य सामाग्री सहयोग गरेको थियो ।
