चितवन । केही दुई दिनसम्म केही घटेको चितवनको कोरोना संक्रमण दर सोमबार र आज मंगलबार फेरि बढेको छ । स्वास्थ्य कार्यालय चितवनको अनुसार विगत २४ घण्टामा चितवनमा थप २४९ जना कोरोना संक्रमित भएका छन् ।
थपिएका संक्रमित मध्ये भरतपुर महानगरमा १९२ जना, खैरहनीमा ७ जना, माडीमा १२ जना, रत्ननगरमा १२ जना, राप्ती नगरपालिकामा २ जना र इच्छाकामना गाउँपालिकामा ११ जना रहेका छन् ।
चितवनमा आजसम्म कोरोना संक्रमितको जम्मा संख्या ११ हजार ८३९ पुगेको छ । स्वास्थ्य कार्यालयका अनुसार चितवनमा आजसम्म १७६ जनाले ज्यान गुमाएका छन् । अस्पतालको आइसोलेसनमा २१९ जना र घरमा आइसोलेसनमा चार हजार ६ जना रहेका छन् ।
