काठमाडौँ। नेपालमा पछिल्लो २४ घण्टामा ८ हजार १६७ जनामा कोरोना संक्रमण पुष्टि भएको छ ।
१७ हजार ९७१ पीसीआर परीक्षणमा ८ हजार १६७ जनामा कोरोना पुष्टि भएको स्वास्थ्य तथा जनसंख्या मन्त्रालयले पुष्टि भएको हो । यससंगै नेपालमा कोरोना संक्रमितको संख्या ४ लाख ४७ हजार ७०४ पुगेको छ । यस्तै २४ घण्टामा ५ हजार ४५५ जना कोरोना संक्रमणमुक्त भएका छन् । योसँगै निको हुनेको संख्या ३ लाख ३३ हजार १०८ पुगेको छ ।
नेपालमा सक्रिय संक्रमितको संख्या १ लाख ९ हजार ७४० पुगेको छ । त्यस्तै पछिल्लो २४ घण्टामा थप १८७ जनाको कोरोना संक्रमणबाट मृत्यु भएको छ । यो सँगै नेपालमा कोरोनाबाट ज्यान गुमाउनेको संख्या ४ हजार ८५६ पुगेको छ ।
