चितवन । जंगलमा निउरो टिप्न गएकी एक महिलालाई गैंडाले आक्रमण गरेको छ । गैंडाको आक्रमणबाट भरतपुर महानगरपालिका–१२ की २६ बर्षीय अस्मिता तामाङ घाइते भएकी जिल्ला प्रहरी कार्यालय चितवनले जानकारी दिएको छ ।
आज (बिहिबार) दिउँसो १ : १५ बजेको समयमा टिकौली जंगलभित्रको राइनो ताल नजिकै निउरो टिप्न जाँदा तामाङलाई गैंडाले आक्रमण गरेको चितवन प्रहरी प्रवक्ता सरोज गिरीले बताए । गैंडाको आक्रमणबाट घाइते भएकी तामाङलाई प्रहरी चौकी गोन्द्राङबाट खटिएको टोलीले उद्दार गरेको हो । तामाङको चितवन मेडिकल कलेजमा उपचार भइरहेको छ ।
