चितवन । चितवनमा निषेधाज्ञा लागु भएको २ हप्ता वितिसक्दापनि अवज्ञा गर्नेको संख्यामा कमी आउन सकेको छैन । जिल्लाभरका मुख्य सडक तथा चोकहरुमा सुरक्षाकर्मी परिचालन गरेपनि यसको संख्यामा कमी आउन सकेको छैन । जसका कारण कोरोना जोखिम उत्तिकै बढ्ने देखिन्छ । मानिसका लावरबाही र हेल्चेक्रयाईका कारणनै कोरोना जोखिम कम हुन नसकेको हो ।

चितवनमा आज बुधबार मात्रै तोकिएको समय र तोकिएका अत्याबश्यक पसल खोल्ने १२ जनालाई कारवाही गरी जरीवाना समेत तिराएको छ । ती पसलहरुबाट प्रहरीले ४ हजार ४०० रुपैयांँ जरीवाना संकलन गरेको छ । यस्तै आज मात्रै निषेधाज्ञा को अवज्ञा गर्ने १२१ जनालाई होल्डमा राखेर छाडेको छ ।यस्तै दुईपांँग्रे र चारपांँग्रे सवारी साधन गरी २४३ जनालाई जरीवाना सहित कारवाही गरेको छ । जसबाट प्रहरीले ९८ हजार ३०० रुपैयांँ संकलन गरेको छ ।