चितवन। प्रतिबन्धित लागु औषधसहित चितवनबाट एक युवक पक्राउ परेका छन् । पक्राउ पर्नेमा कालिका नगरपालिका ८ न्युरेनीका २५ वर्षीय बिनोद चेपाङ रहेका छन् ।
उनलाई प्रतिबन्धित लागु औषध डाईजापाम ३१ एम्पुल, ब्युप्रिनर्फिन ३१ एम्पुल र फेनारगन ३१ एम्पुलसहित पक्राउ गरिएको जिल्ला प्रहरी कार्यालय चितवनले जनाएको छ । उनलाई खैरहनी नगरपालिका ४ गैंडाआहालबाट मंगलबार राति ९ बजे पक्राउ गरिएको हो ।
गैंडाआहालमा नियमित चेक जाँचका क्रममा ना ४६ प ८१२३ नम्बरको मोटारसाइकल चेकजाँच गर्दा उनको साथबाट उक्त लागु फेला परेको प्रहरीले जानकारी दिएको छ । पक्राउ परेका चेपाङमाथि थप अनुसन्धान भइरहेको प्रहरीले जनाएको छ ।
