चितवन । भरतपुरको चौबीसकोठीमा रहेको प्राइम कमर्सियल बैंकमा आगलागी भएको छ । आज साँझ सांँढे ५ बजे तिर बिद्युत सर्ट भई आगलागी भएको प्रहरीले जानकारी दिएको छ । जिल्ला प्रहरी कार्यालय, चितवनका अनुसार आगलागीले बैंकको कम्प्यूटर १० थान, बिभिन्न किसिमका प्रिन्टर थान १० थान, फोटोकपी मेशिन, २ थान , टेलिफोन सेट, पैसा गन्ती गर्ने मेशिन, एसी दुईथान, स्टेटमेन्ट प्रिन्टर मेशिन, टोकन मेशिन, स्क्यानर मेशिन, पंखा, हाँजिर गर्ने मेशिन,फेक नोट डिटेक्टर मेशीन,सिसि क्यामरा , काउण्टरमा राखिएको डिस्प्ले, बिजुलीको मिटर, बिभिन्न कुर्सीहरू, टेबुल, फाइल र्याक, स्टोर र्याक जलेर नष्ट भएको थियो ।
यी सबै सामानहरु जलेर क्षति हुंँदा ४० लाख बराबरको क्षति अनुमान गरिएको कार्यालयका प्रवक्ता सरोज गिरीले जानकारी दिए । प्रहरी तथा सेनाको टोलीले सांँझ सवा ६ बजे आगो नियन्त्रणमा लिएको थियो ।
