चितवन। चितवनको भरतपुर महानगरपालिका २२ स्थित पटिहानीमा ट्रकले ठक्कर दिदा स्कुटर चालकको मृत्यु भएको छ । मृत्यु हुनेको सोही स्थानका २९ वर्षीय प्रविण भण्डारी रहेका छन् ।
चितवनका प्रहरी प्रवक्ता डिएसपी सरोज गिरीले दिएका जानकारी अनुसार शुक्रबार साँझ ५ बजे जगतपुरबाट गीतानगरतर्फ आउँदै गरेको ना ५ ख ५६६६ नम्बरको ट्रकले पटिहानीमा विपरित दिशातर्फ जाँदै गरेको ना ४५ प २३२६ नम्बरको स्कुटरलाई ठक्कर दिएको हो ।
डिएसपी गिरीका अनुसार ट्रकको ठक्करबाट गम्भीर घाइते भएका भण्डारीको चितवन मेडिकल कलेज (सीएमसी) मा उपचारका क्रममा साँझ पौने ६ बजे मृत्यु भएको हो । ठक्कर दिने ट्रक र चालक प्रहरीको नियन्त्रणमा रहेको छ ।
