काठमाडौँ। पछिल्लो २४ घण्टामा नेपालमा थप ७ हजार ६ सय ६० जनामा कोरोनाभाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरका प्रयोगशालामा गरिएको १६ हजार १ सय ३१ पीसीआर परीक्षणबाट ७ हजार ५ सय ८७ जनामा कोरोना संक्रमण देखिएको हो । परिक्षण गरिएको मध्ये झन्डै हरेक दुई जनामा एक जना संक्रमित भेटिएका हुन ।
यो संगै नेपालमा कुल संक्रमितको संख्या ३ लाख ५१ हजार एक पुगेको छ । त्यस्तै पछिल्लो २४ घण्टामा नेपालमा ५५ जनाको कोरोना संक्रमणबाट मृत्यु भएको छ । हाल सम्म नेपालमा कोरोना संक्रमणबाट ज्यान गुमाउनेको संख्या ३४ सय १७ पुगेको छ । यसअघि सोमबार देशभर ७४४८ जनामा संक्रमण पुष्टि भएको थियो । भने ३७ जनाको मृत्यु भएको थियो ।
