काठमाडौँ । बागमती प्रदेश सरकारका खानेपानी, ऊर्जा तथा सिँचाइ मन्त्री श्याम बहादुर खड्काले पदबाट राजीनामा दिएका छन् ।
खड्काले सोमबार साँझ काँग्रेस संसदीय दलको कार्यालय हेटौँडामा मुख्यमन्त्री बहादुरसिंह लामालाई राजीनामा पत्र बुझाएका हुन्। मन्त्री खड्काले मुख्यमन्त्रीलाई सम्बोधन गर्दै बुझाइएको पत्रमा विभिन्न कारणले आफूले जिम्मेवारी निरन्तर बहन गर्न नसक्ने अवस्था रहेको जनाइएको छ ।
उनले आफूले जिम्मेवारी सम्हाल्दै आएको अवधिमा सधैँ निष्ठापूर्वक काम गर्न प्रयास गरेको उल्लेख गरेका छन् ।
