चितवन । नवोदित गायक पेम्वा लामाको आवाजमा नयाँ गीत ‘बैमानी’ श्रोता दर्शकमाझ सार्वजनिक भएको छ ।
उदय सागरको शब्द रचना, दीपकराज विश्वकर्माको संगीत, गोपाल रसाइलीको एरेन्ज रहेको उक्त गीतको भिडियो ओएसआर डिजिटलको युट्युव च्यानल मार्फत सार्वजनिक भएको हो । केशवराज भट्टको निर्देशन तथा कोरियोग्राफी रहेको सो गीतको भिडियोमा पुष्प खड्का र कविता नेपालीको मुख्य अभिनय रहेको छ ।
भिडियोमा संचारकर्मी सन्तोष बस्ताकोटी, हेन्सल लामा र सुदर्शन पन्तको समेत अभिनय रहेको छ । लोक पप शैलीको सो गीत पेम्बा लामा र क्षितिज स्पर्शको संयुक्त लगानीमा निर्माण भएको हो । उक्त भिडियोमा बुद्ध थापाको छायांकन र वन्दे प्रसादको सम्पादन रहेको छ ।