काठमाडौं । विवेकशिल नेपाली दलका संस्थापक अध्यक्ष उज्जवल थापाको कोरोना परिक्षणको नतिजा नेगेटिभ आएपनि स्वास्थ्य अवस्थामा कुनै सुधार हुन सकेको छैन ।
पछिल्लो परिक्षणमा कोरानाको परिक्षण नेगेटिभ आएपनि स्वास्थ्य अवस्था ‘अत्यन्तै जटिल’ अवस्थामै रहेको उपचारमा संलग्न डाक्टरलाई उद्धृत गर्दै विवेकशिल नेपाली पार्टीका एक नेताले जानकारी दिए । ‘डाक्टरहरुले हरसम्भव उपाय अपनाइएपनि स्वास्थ्य अवस्था नाजुक रहेको बताउनुभएको छ’ मेडिसिटी अस्पतालमै रहेका उनले भने ।
कोरोना पोजेटिभ भएपछि अस्पताल भर्ना गरिएका थापाको अहिले मेडिसिटी अस्पतालमा उपचार भइरहेको छ । थापाको पछिल्लो परिक्षणमा कोरोना भने नेगेटिभ आएको छ ।
