चितवन। चितवनमा ७९० ग्राम गाँजासहित एक युवक पक्राउ परेका छन् । पक्राउ पर्नेमा भरतपुर महानगरपालिका १ का २० वर्षीय संगम प्रजापती रहेका छन् ।
उनलाई भरतपुर ११ स्थित जखडीमाईबाट पक्राउ गरिएको जिल्ला प्रहरी कार्यालय चितवनले जानकारी दिएको छ । दैनिक चेकजाँचमा बस्ने प्रहरीले २ जना व्यक्तिलाई संकास्पद लागि सोधपुछ गर्न खोज्दा उनीहरु भागेका थिए ।
भागेका २ जनालाई पछ्याउदा एक जना पक्राउ परेको र अर्का एक भने फरार भएको प्रहरीले जनाएको छ । प्रहरीका अनुसार पक्राउ परेका प्रजापतीको शरीर र उनले बोकेको सपिङ ब्याग चेकजाँच गर्दा सपिङ ब्यागमा स-साना ७ वटा पोका बनाएको ७९० ग्राम गाँजा बरामत भएको छ । घटना बारे थप अनुसन्धान भइरहेको प्रहरीले जनाएको छ ।
