चितवन । जंगली बदेलको आक्रमणबाट माडी-८ खरकट्टामा एकजना गम्भीर घाइते भएका छन् ।
शुक्रबार साँझ करीब ६ बजे बँदेलले आक्रमण गर्दा स्थानीयबासी, बर्ष ४२ का नवराज ढकाल गम्भीर घाइते हुनुभएको हो । उहाँको खुट्टा र अनुहार सहित शरीरका विभिन्न भागहरुमा सख्त चोट लागेको छ । घाइतेलाई उपचारका लागि एम्बुलेन्समार्फत भरतपुर पठाएको टम्टा प्रहरी चौकीले जनाएको छ ।
चितवन राष्ट्रिय निकुञ्जबाट निस्कने जंगली जनावरहरुको आक्रमणबाट माडी नगरक्षेत्रमा पटक पटक जनधनको क्षती हुँदै आएको छ ।