काठमाडाैं। प्रधानमन्त्री केपी शर्मा ओलीले माओवादी केन्द्रका अध्यक्ष पुष्पकमल दाहाल ‘प्रचण्ड’लाई शुक्रवार टेलिफोन गरेका छन् ।
लामो समयपछि ओलीसँग टेलिफोनमा कुराकानी भएको प्रचण्डले बताएका छन् ।
ललितपुरको कोञ्ज्योसोम गाउँपालिकाको नवनिर्मित भवनको उद्घाटन कार्यक्रममा प्रचण्डले आफूलाई ओलीले धेरैपछि फोन गरेको बताएका हुन् । ‘म यहाँ बस्दै गर्दा प्रधानमन्त्री केपी ओलीको फोन आयो, धेरै समयपछि’ प्रचण्डले भने । उनले विषयवस्तु खुलाएनन् ।
प्रधानमन्त्री केपी शर्मा ओलीका प्रेस सल्लाहकार सूर्य थापाले प्रधानमन्त्रीले प्रचण्डलाई टेलिफोन गरेको पुष्टि गरे । ‘यहाँ आउँदा बाटो बन्दै गरेकोमा खुशी लाग्यो तर धेरै ढिला भइरहेको छ । म यहाँबाट फर्केपछि । यो बाटो बनाइदिनुस् भन्नेवाला छु,’ प्रचण्डले कार्यक्रममा भने ।
